Peningamálafundur Viðskiptaráðs fer fram á Grand Hótel þann 6. febrúar næstkomandi. Í ár er yfirskrift fundarins „Liggja vegir til lágra vaxta?“

Ásgeir Jónsson, seðlabankastjóri, flytur meginerindi fundarins. Þá mun Andri Þór Guðmundsson, formaður Viðskiptaráðs, flytja opnunarávarp. Að loknum erindum fara fram pallborðsumræður með þátttakendum á fjármálamarkaði.  

Fundurinn er haldinn í kjölfar vaxtaákvörðunar, útgáfu Peningamála og nýrrar þjóðhagsspár degi áður. Þátttakendur í pallborði verða kynntir þegar nær dregur.

Boðið verður upp á morgunhressingu frá kl. 8:00.