Einstakur tónlistarviðburður þar sem Karlakór Stokkhólms (Stockholms Manskör) og Karlakór Keflavíkur sameinast í söng. Margir meðlimir Karlkórs Stokkhólms hófu sinn söngferil í hinum þekkta kór Orphei Drängar frá háskólanum í Uppsölum. Þegar þeim þroska var náð að vera ekki lengur gjaldgengir í Orpheus drengjunum hittust söngvararnir aftur í Karlakór Stokkhólms ásamt söngvurum sem höfðu bakgrunn í t.d. sænska útvarpskórnum og óperunum í Gautaborg og Stokkhólmi og var aðalaðdráttaraflið að fá að syngja undir
stjórn Håkan Sund sem er einn fjölhæfasti tónlistarmaður Svíþjóðar. Stjórnandi Karkakórs Keflavíkur er Jóhann Smári Sævarsson okkar vel þekkti óperusöngvari og undirleikari er hinn fjölhæfi tónlistarmaður Sævar Helgi Jóhannsson.