Les Freres Stefson í samstarfi við Coca Cola, XPENG ,N1 og Hertz kynna: Retro Stefson á tónleikum!

Það verður blásið til sannkallaðrar gleðisprengju í N1 höllinni á Hlíðarenda þann 28. desember nk. þegar Retro Stefson kemur saman eftir átta ára pásu og spilar í gegnum allan ferilinn og gott betur. Tónleikar með Retro Stefson eru fyrir þá sem muna með því skemmtilegra sem fólk getur tekið sér fyrir hendur og þau sem ekki muna eiga ógleymanlega minningu í vændum!

Húsið opnar kl. 19 og er stefnan tekin á lítið minifestival í svartasta skammdeginu. Það verður tjillað á efri hæðinni í lounge stemmingu þar sem hægt verður að njóta góðra veitinga (matur og drykkur) og/eða vera í stóra salnum niðri þar sem frábær atriði troða upp áður en Retro Stefson stígur á svið. Fólk á að koma snemma og skemmta sér lengi og klára þannig hið ágæta ár 2024!