Sýning ársins sýnd þriðja árið í röð

Verðlaunasýning sem lætur engan ósnortinn!

4 Grímuverðlaun

• Sýning ársins

• Leikrit ársins

• Leikkona ársins

• Tónlist ársins

???? Morgunblaðið

???? Heimildin

„Saknaðarilmur er einstakt og magnþrungið leikverk ... túlkun Unnar verður dáleiðandi. Hún er gjörsamlega stórkostleg í hlutverkinu.“ Lestrarklefinn

„sálarskúrandi reynsla ... þvílík snilld!“ TMM

Verkið Saknaðarilmur er nú sýnt þriðja leikárið í röð, vegna fjölda áskorana, enda hefur sýningin notið einstæðra vinsælda og snert áhorfendur djúpt. Saknaðarilmur var sigurvegari Grímunnar í fyrra, hlaut verðlaunin sýning ársins, leikrit ársins, leikkona ársins og tónlist ársins. Magnaður efniviður Elísabetar Jökulsdóttur öðlast nýtt líf á leiksviðinu í meðförum sama listræna teymis og skapaði tímamótasýninguna Vertu úlfur. Einstaklega áhrifamikil sýning, gædd sjónrænum töfrum, um viðkvæm en brýn málefni sem snerta okkur öll.

ÁFÖLL – BERSKJÖLDUN - KYNSLÓÐIR KVENNA

Þegar fullorðin skáldkona missir móður sína er komið að stóra uppgjörinu. Nú fyrst er hún tilbúin að horfast í augu við erfiða æsku sína, föðurmissi, geðveikina, ástina og sturlað lífshlaup sitt. Af hverju náðu þessar tvær konur aldrei sambandi, þó að þær hafi deilt öllu lífi sínu, og reynt að horfast í augu í gegnum sorgir og sigra? Verkið er áhrifarík saga af lítilli, draumlyndri stúlku sem verður að manísku skáldi, ástföngnum fíkli og stórskemmtilegum sögumanni. Hún er brotin, beitt og brjáluð. Geta áföll gert okkur veik? Erfist þjáning á milli kynslóða?

Leikari: Unnur Ösp Stefánsdóttir

eftir Unni Ösp Stefánsdóttur

byggt á bókum Elísabetar Jökulsdóttur

Leikstjórn: Björn Thors

Leikmynd: Elín Hansdóttir

Búningar: Filippía I. Elísdóttir

Tónlist: Ólöf Arnalds, Skúli Sverrisson

Lýsing: Björn Bergsteinn Guðmundsson

Hljóðhönnun: Skúli Sverrisson, Aron Þór Arnarsson, Ólöf Arnalds

Sviðshreyfingar: Margrét Bjarnadóttir