HOW TO BECOME ICELANDIC IN 60 MINTUES er uppistands-leiksýning sem fer fram á ensku. Sýningin er samin og framleidd af Bjarna Hauki Þórssyni og leikstýrð af Sigurði Sigurjónssyni. Leikarar eru Bjarni Haukur Þórsson, Kjartan Darri Kristjánsson og Albert Halldórsson.

HOW TO BECOME ICELANDIC IN 60 MINTUES er sambland af uppistandi og söguleikhúsi þar sem reynt er að kenna þeim sem sýninguna sækja hvað það er að vera íslenskur. Sprenghlægileg klukkustundar löng sýning fyrir fólk á öllum aldri. Samstarf Bjarna Hauks og Sigurðar ætti að vera Íslendingum vel kunnugt enda hafa þeir búið til nokkrar vinsælar sýningar; Hellisbúinn, Pabbinn, Afinn, Maður sem heitir Ove og Pabbinn finnur afann.

Sýningin hefur gengið fyrir fullu húsi í Hörpu frá því að hún var frumsýnd árið 2012. Fleiri en 100 þúsund manns hafa séð HOW TO BECOME ICELANDIC IN 60 MINUTES og nálgast sýningarfjöldinn 1000, sem er Íslandsmet.  

Viðburðahaldari
Íslenska leikhúsgrúppan ehf.

 Vinsamlega athugið að miðasala eftir kl. 18 á tónleikadag er eingöngu við hurð.