Útgáfutónleikar Kammerkórsins Huldur

Í tilefni af útgáfu fyrstu breiðskífu sinnar, Í fossgljúfri, býður Kammerkórinn Huldur öll velkomin á stórtónleika í Langholtskirkju 23. maí klukkan 14:00. Kórinn mun flytja dagskrá stútfulla af nýrri íslenskri kórtónlist sem nánast öll hefur verið samin af tónskáldum í kórnum og fyrir kórinn. Ekki verður einungis boðið upp á ljúfa tóna því gert verður stutt hlé á tónleikunum þar sem gestir geta fengið sér kaffibolla og aðrar léttar veitingar að kostnaðarlausu í safnaðarheimili kirkjunnar.

Við hvetjum öll til að mæta á þessa tónlistarveislu og fagna með okkur útgáfu plötunnar!

Hlökkum til að sjá sem flesta!