Nú er hálf öld liðin frá því að Rúnar Júlíusson stofnaði hljómplötuútgáfuna Geimstein. Af því tilefni ætla synir hans að taka fyrir þá tónlistarmenn sem komu við sögu á vettvangi útgáfunnar.

Í þessari umferð mun Sóli Hólm verða bræðrunum til fulltingis í að minnast Gylfa Ægissonar sem kom þó nokkuð við sögu Geimsteins með hinum þekktu söngævintýrum og sem skipstjórinn á Áhöfninni á Halastjörnunni.

Farið verður yfir margar fleygar sögur og mörg af þekktustu lögum Gylfa verða flutt að hætti hússins.

Ótrúlega skemmtilega stund um einn af skrautlegri litunum í litakassa íslenskrar tónlistarsögu.

Viðburðurinn er styrktur af Uppbyggingarsjóði Suðurnesja.