Páskatúr Bríetar

Rétt fyrir páska leggur BRÍET land undir fót ásamt hljómborðsleikaranum Magnúsi Jóhanni Ragnarssyni og trommaranum Bergi Einari Dagbjartssyni. Ferðalagið hefst í Borgarnesi og liggur vestur, þar sem hún kemur við á Dalíu í Búðardal og Verbúðinni á Patreksfirði. Hún endar svo á Vagninum, Flateyri, á föstudeginum langa með miðnæturtónleikum – páskahefð sem BRÍET hefur skapað þar í gegnum árin.

Á tónleikaferðalaginu má búast við einstaka tónlistarupplifun þar sem hún flytur vinsælustu lög sín ásamt nýju efni. Það má búast við mikilli nánd, stemningu og sterkri sviðsframkomu.