Góðgerðartónleikar í Árbæjarkirkju - Söfnum fyrir lyftu!

Árbæjarkirkja býður til einstakrar stundar þann 1. febrúar kl 17:00 með frábærum söngvurum og undirleikurum þar sem við sameinumst í hlýju, gleði og góðum tilgangi.

Markmið tónleikanna er að safna fyrir fólkslyftu í nýrri viðbyggingu safnaðarheimilis kirkjunnar svo öllum sé tryggður aðgangur að öllu okkar safnaðarstarfi. Sóknarnefnd Árbæjarkirkju hefur staðið í framkvæmdum undanfarin misseri við að stækka safnaðarheimilið um rúmlega 400 fermetra og nú er komið að því að setja upp lyftu svo allir geti nýtt safnaðarheimilið að fullu.

Á tónleikunum stíga á svið nokkur af okkar ástsælasta og virtasta tónlistarfólki landsins;

• Páll Óskar Hjálmtýsson

• Sigrún Hjálmtýsdóttir (Diddú)

• Dísella Lárusdóttir

• Gissur Páll Gissurarson

• Ásgeir Ásgeirsson

• Helga Bryndís Magnúsdóttir

Hátíðarstundin verður hlý, hátíðleg og full af fagurri tónlist þar sem kraftur samfélagsins skín í gegn.

Komdu á tónleika, láttu gott af þér leiða og njóttu tónlistar sem yljar og lyftir.

Við hlökkum til að sjá þig í Árbæjarkirkju þann 1. febrúar 2026 kl 17:00.