Ferðalag okkar um Búrgúndí heldur áfram fimmtudaginn 30. október er við skyggnumst dýpra í gæðaflokkunarkerfi héraðsins. Kynnt verða til sögunnar þorpsvín og Premier Cru-vín, sem marka skýrt þrep upp á við frá héraðsvínunum sem við könnuðum síðast.

Þorpsvínin eru fyrir marga byrjunarreitur hins sanna Búrgúndí. Vínin koma frá þorpum á borð við Gevrey-Chambertin, Chambolle-Musigny, Vosne-Romanée, Meursault og Puligny-Montrachet. Hver þorpsmerking hefur sín sérkenni sem mótast af einkum af jarðvegi á hverjum stað. Þorpsvínin búa yfir meiri dýpt og persónuleika en héraðsvínin og eru jafnframt vinsæll veiðistaður þeirra sem leita hagkvæmra kaupa í Búrgúndí.

Premier Cru vínin, eða fyrsta flokks vínin, eru síðan enn eitt skrefið upp í stigveldinu. Þau koma frá sérvöldum ekrum innan þorpanna og eru ekki nema 5% af allri framleiðslu Búrgúndí. Hver ekra hefur sitt nafn - Les Charmes, Les Folatières - og búa þær yfir einstökum eiginleikum.

Kvöldið varpar ljósi á þann mun sem felst í þorpsvínum og 1er Cru og hvernig þessi vín búa yfir sérkennum sem jarðvegurinn endurspeglar.