Kammeróperan snýr aftur í Tjarnarbíó með eina af vinsælustu óperum sögunnar í glænýjum búning.

Stolt, ástríða og afbrýðisemi eru rauði þráðurinn í Carmen eftir Georges Bizet.
Don José, ungur skyldurækinn hermaður, verður hugfanginn af hinni heillandi og óútreiknanlegu Carmen.
Svo ákaft brennur hjarta hans af þrá að ekkert getur stöðvað hann í að hlaupast á brott með henni – ekki einu sinni æskuástin Michaëla.

Don José kastar lífi sínu á glæ fyrir spennu og óvissu, en brigðul er kvenna ást.
Escamillo, heimsfrægur nautabani, rennur einnig hýru auga til Carmen – og þá vandast málin.
Sviðið er klárt og rómantísk ástarsagan stefnir óumflýjanlega í hryllilegan harmleik.

Kammeróperan, sem hefur fyrir löngu sannað sig sem einn kraftmesti óperuhópur landsins, heldur nýstárlegri yfirferð sinni á klassíkinni áfram og flytur Carmen á íslensku í nýrri útsetningu sem er einungis ætluð fjórum söngvurum og einum leikara.

Adolf Smári Unnarsson leikstýrir og þýðir textann en hann hefur á síðustu árum vakið mikla athygli fyrir óperuverkefni sín á borð við BRÍM og Ekkert er sorglegra en manneskjan.
Ekki láta þetta einstaka tækifæri framhjá þér fara – sjáðu sígilda tónlistina vakna til lífsins í spennandi, eggjandi og átakamikilli uppfærslu.

Carmen er styrkt af Sviðslistasjóði

Leikstjórn og þýðing: Adolf Smári Unnarsson

Aðstoðarleikstjóri: Anna Kjeldahl

Leikmynd og búningar: Andri Hrafn Unnarson

Sviðshreyfingar: Bjartey Elín Hauksdóttir

Ljós: Fjölnir Gíslason

Hár og förðun: Íris Sveinsdóttir

Ljósmyndir: Sandijs Rukluks

Grafísk hönnun: Gunnar Ólafsson

Sviðshreyfingar: Bjartey Elín Hauksdóttir

  Útsetning tónlistar: Tscho Theissing   

Æfingapíanisti: Matthildur Anna Gísladóttir

Carmen: Kristín Sveinsdóttir
Don José: Eggert Reginn Kjartansson
Escamillo: Unnsteinn Árnason
Michaëla: Jóna G. Kolbrúnardóttir
Zuniga: Fjölnir Gíslason

Fiðla: Una Sveinbjarnardóttir
Kontrabassi: Jacek Karwan
Harmonika: Flemming Valmundsson

Sýningin er u.þ.b. 2 tímar og 30 mínútur með 1 hléi