Borgardætur í Norðurljósum

Allt frá útkomu "Jólaplötunnar", árið 2000, hafa hinar óviðjafnanlegu Borgardætur, Andrea Gylfa, Ellen Kristjáns og Berglind Björk haldið jólatónleika í desember við frábærar undirtektir.

Þær koma nú saman á ný eftir nokkurra ára hlé og það verður allt vitlaust í boðinu.

Að þessu sinni verða tónleikarnir haldnir í Norðurljósasal Hörpu.

Á efnisskránni verða sem fyrr jólalög í bland við glens, grín og spuna að hætti dætranna.

Einnig er von á Skáldkonunni góðu að handan.

Óviðjafnanleg skemmtun, einstök blanda af hátíðleika og hlátri fyrir fullorðna.

Eyþór Gunnarsson  útsetjari og píanóleikari er tónlistarstjóri dætranna að venju.

Með honum spila Magnús Trygvason Eliassen á trommur og Andri Ólafsson á bassa.

GÓÐA SKEMMTUN!

Viðburðarhaldari: Borgardætur