Peningamálafundur Viðskiptaráðs fer fram á Parliament Hotel fimmtudaginn 19. nóvember. Fundurinn er haldinn í kjölfar vaxtaákvörðunar Seðlabankans, útgáfu Peningamála og nýrrar þjóðhagsspár.

Andri Þór Guðmundsson, formaður Viðskiptaráðs, flytur opnunarávarp og Ásgeir Jónsson seðlabankastjóri flytur meginerindi fundarins. Að loknum erindum fara fram tvennar pallborðsumræður.

Hagstjórn og stjórnvöld

• Daði Már Kristófersson, fjármála- og efnahagsráðherra

• Þórarinn G. Pétursson, varaseðlabankastjóri

• Hafsteinn Hauksson, aðalhagfræðingur Kviku banka

Atvinnulíf og viðskipti

• Finnur Oddsson, forstjóri Haga

• Álfheiður Ágústsdóttir, aðstoðarforstjóri Travel Connect

• Lilja Björk Einarsdóttir, bankastjóri Landsbankans

Húsið opnar kl. 8:00 og fundurinn hefst kl. 8:30. Miðaverð er 5.900 kr. Uppselt hefur verið á fundinn undanfarin ár og því er gott að tryggja sér miða tímanlega.