Í fótspor þeirra

  Tónleikar og sögukvöld

Í sumar voru tónleikarnir Í fótspor þeirra haldnir í Svarta kassanum í Hofi á Akureyri við frábærar undirtektir og nær fullu húsi. Nú gefst áhorfendum í Reykjavík tækifæri til að upplifa þetta sérstaka tónlistar- og sögukvöld.

Á tónleikunum fylgjum við slóðum listafólks sem lét rödd sína heyrast og notaði tónlistina til að tjá vonir, mótmæli, frelsisþrá og mannlega reynslu. Á milli laga eru stuttar frásagnir sem tengja saman sögur tónskálda og flytjenda á borð við Billie Holiday, Nina Simone, Joni Mitchell, Kate Bush og fleiri.

Efnisskráin spannar jazz, blues, folk og popptónlist og leiðir áhorfendur í gegnum ólík tímabil og ólíka baráttu fyrir sýnileika, frelsi og réttlæti. Þar mætast sögur svartra listamanna, kvenna og hinsegin fólks sem hafa haft áhrif á samfélagið með tónlist sinni.

Tónleikarnir eru jafnframt persónuleg ferð þar sem frumsamin lög tengja sögurnar við samtímann og spyrja hvað þessar raddir geti enn kennt okkur í dag.

Þetta eru því ekki hefðbundnir tónleikar heldur tónlistarleg frásögn um hugrekki, samkennd, sýnileika og von.

Flytjendur

Helga Margrét Clarke – söngur
Aðalheiður Þorsteinsdóttir – píanó
Róberta Andersen – gítar
Ingibjörg Elsa Turchi – rafbassi
Þorsteinn Jónsson - slagverk

Viðburðurinn nýtur stuðnings Kvenréttindafélags Íslands.

Mynd: Sunna Ben
Hönnun: Lilja Hauksdóttir