Bogomil Font mætir ásamt fjölskipaðri hljómsveit Greiningardeildarinnar og leikur spriklandi skemmtileg lög af nýútkominni gleðiskífu, sem kallast „Haf þú ekki áhyggjur af því“. 

Þar er að finna ýmis hressandi kulda-kalypsólög, á borð við Sjóddu frekar egg, Skítaveður, Þú trumpar ekki ástina og dúettinn Þú stendur alltaf með mér. Auk þess rennir sveitin í eldri slagara úr safni Bogomils — ásamt smellum úr safni meðlima sveitarinnar. 

 Tónleikarnir verða haldnir í Fantasíu-salnum á Vinnustofu Kjarvals, og er gengið inn að Austurstræti 10a.