Fjölskyldu-jólahlaðborð á Geysi

Við erum einstaklega glöð að geta boðið fjölskyldum aftur upp á hin sívinsælu fjölskyldu-jólahlaðborð á Geysi.

Í ár verða jólahlaðborðin haldin 6. desember og 13. desember – tveir notalegir og hátíðlegir dagar þar sem við sameinum jólagleði, góðan mat og skemmtun fyrir alla fjölskylduna.

Jólaskemmtunin hefst í skóginum kl. 15:00

Þar taka fjörugir jólasveinar á móti börnum og foreldrum og koma öllum í sannkallað jólaskap. Við yljum okkur saman yfir ilmandi heitu súkkulaði og tröllapönnukökum og njótum notalegrar stundar í skóginum.

Að sjálfsögðu gefst einnig tækifæri til að velja sér jólatré í skóginum og taka með heim. Athugið að keyra þarf frá skógarhúsinu að jólatréssölunni og jólatréssalan þessa daga er eingöngu ætluð gestum jólahlaðborðsins.

 Jólahlaðborðið hefst kl. 17:00 á Geysir veitingahúsi

Þá tekur við hátíðleg jólastund með fallegri jólatónlist, notalegu andrúmslofti og gómsætum jólamat.

Við hugsum sérstaklega um yngstu gestina okkar og bjóðum börnunum upp á sérstakt barnahlaðborð í þeirra hæð, svo þau geti sjálf valið sér uppáhaldskræsingarnar á auðveldan og skemmtilegan hátt.

Eftir matinn sameinast fjölskyldan öll á dansgólfinu þar sem DJ Dóra Júlía og jólasveinarnir sjá um að koma öllum í sannkallað jólaskap. Við dönsum, syngjum og njótum stundarinnar saman – og jólasveinarnir mæta með glaðning fyrir öll börnin.

Við hlökkum til að sjá ykkur á Geysi og skapa saman dýrmætar jólaminningar!