JÓLAKÖTTURINN & DULARFULLA KISTAN

Töfrandi barna- og fjölskyldusýning þar sem börnin taka virkan þátt í að bjarga jólunum!

Jólakötturinn rambar óvænt inn í Salinn í Kópavogi og þvert á þjóðtrú reynist hann hið besta skinn, þó svo að hann sé vissulega mikill prakkari.

Fljótlega sjá áhorfendur að Jólakötturinn er ekki í Salnum af eigin vilja. Hann hefur verið sendur af sjálfri Grýlu í óvænt og krefjandi ferðalag til að bjarga jólunum í Grýluhelli.

Í ljós kemur að Jólakötturinn hefur framið prakkarastrik í Grýluhelli með þeim afleiðingum að jólagleðin hverfur og jólunum því aflýst.

Verkefnið virðist vonlaust, en með hjálp barnanna í salnum leggur Jólakötturinn af stað í ævintýri fullt af töfrum, húmor og prakkarastrikum.

En tekst þeim að bjarga jólunum?
Jólakötturinn & dularfulla kistan er gagnvirk fjölskyldusýning þar sem börnin eru ekki bara áhorfendur heldur verða þau hluti af ævintýrinu og hjálpa Jólakettinum að leysa verkefnið.

Leikarar í sýningunni eru tveir ásamt nokkrum rauðklæddum og óvæntum gestum.