Hljóðheimur Marsibil er jazz-skotinn óður til gamalla íslenskra dægurlaga, en með samblandi frumlegra textasmíða og vönduðum og grípandi útsetningum verður til eitthvað glænýtt, sem jafnframt er kunnuglegt. Þann 19. september kemur dúettinn fram ásamt fullmannaðri hljómsveit og flytur lög af nýútgefinni plötu. Gestum á Marsibil-tónleikum er oft boðið að syngja með, en lögin eru til þess gerð að allir geti lært þau og tekið þátt í að skapa ógleymanlega stemmningu.