Árstíðir - Hátíðartónleikar  

Hljómsveitin Árstíðir heldur sína árlegu hátíðartónleika í Fríkirkjunni í Reykjavík sunnudaginn 27. desember og í Akureyrarkirkju miðvikudaginn 30. desember.

Hátíðartónleikar Árstíða hafa verið haldnir á hverju ári frá árinu 2008 og hefur myndast stórskemmtileg hefð í kringum þá. Á tónleikunum leikur sveitin eigið efni í bland við vel valin hátíðar- og jólalög. Hljómsveitin verður nýkomin heim af tæplega mánaðar löngu tónleikaferðalagi í Evrópu í nóvember og desember - og má því búast við samstilltri sveit í feiknargóðu formi.

Árstíðum til halds og trausts á tónleikunum verða bassasöngvarinn Pétur Oddbergur Heimisson og franskur strengjadúett sem samanstendur af sellóleikaranum Guillaume Lagraviére og fiðluleikaranum Jean-Samuel Bez - en þeir koma reglulega fram með sveitinni á tónleikum erlendis.

  Ekki missa af einstakri hátíðarstemningu með Árstíðum í Fríkirkjunni í Reykjavík og Akureyrarkirkju á milli jóla og nýars.