Kómískur frumskógur húsnæðismarkaðarins.

  Arnrún er á þrítugsaldri og þarf að finna sér nýtt þak yfir höfuðið eftir óvænt sambandsslit.  Hún getur ekki flutt aftur í foreldrahús, líst illa á leigumarkaðinn og ákveður því að kaupa  sína fyrstu íbúð. Við tekur grátbroslegt og fáránlegt ferðalag í gegnum frumskóg  bankastarfsmanna, fasteignasala og lánardrottna.  

  Hér er á ferðinni beittur og meinfyndinn spegill á raunveruleika ungs fólks í dag, þar sem  persónusköpun í anda Sex and the City mætir absúrdveröld Kafka.   

  Verkið, sem er eftir litháenska leikskáldið Gabrielė Labanauskaitė, var valið besta erlenda  leikritið á stærstu leikritunarhátíð Þýskalands árið 2023.   

  Tegund: Grátbroslegur samtímaskáldskapur
 Athugið: Aðeins sýnt í október og nóvember!