Verið hress, alltaf með stress, bless! 

Kristín Þóra Haraldsdóttir mætir norður með geysivinsæla gamansýningu sína sem slegið  hefur rækilega í gegn í Þjóðleikhúsinu. Eftir 99 uppseldar sýningar í Kjallaranum var verkið  fært á Stóra sviðið – og nú gefst norðanmönnum loksins tækifæri til að sjá herlegheitin! 

Á rauðu ljósi er einnar konu sýning þar sem uppistand, einleikur og algjört hispursleysi renna  saman í eitt. Kristín talar á bráðfyndinn og einlægan hátt um stress, streitu, seiglu og þann  eilífa dugnað sem fylgir því að vera manneskja. Kristín Þóra er öllum hnútum kunnug hjá  LA, en hún var áður fastráðin við húsið og hefur síðan þá unnið til fjölda verðlauna fyrir leik  sinn á sviði og skjá