VENUS

Danssýningin Venus er litríkt og sjónrænt ferðalag þar sem höfundarnir Anna Guðrún og Bjartey gera tilraun til að núllstilla kvenlíkamann. Þær skora á hið karllæga augnaráð með því að gangast við hlutgervingunni, afbyggja hana og skapa dýrslega veru úr konunni. Fáránleiki hlutgerfingarinnar afhjúpast og verður hlægileg. Hún er beygð, teygð, snúin á hvolf og ýkt. Mörkin milli gervileika og hins ekta eru máð út, jafnt og fegurðin og hið ljóta. Hið kvenlega, vélræna, karllæga og dýrslega.