Tónlist og textar eftir Cole Porter
Upphaflegt handrit eftir P.G. Wodehouse & Guy Bolton og Howard Lindsay & Russel Crouse Ný leikgerð eftir Timothy Crouse & John Weidman

í leikstjórn Orra Hugins Ágústssonar

Þýðing: Leiktextar: Orri Huginn Ágústsson / Söngtextar: Orri Huginn Ágústsson og Þór Breiðfjörð.

Söngleikjadeild Söngskóla Sigurðar Demetz frumsýnir í ár hinn sívinsæla Broadway-söngleik Anything Goes – Draumur í dós á litla sviði Borgarleikhússins. Hér er á ferðinni sprenghlægileg og glæsileg sýning full af dansi, söng og ógleymanlegum lögum eftir einn merkasta lagahöfund Broadway, Cole Porter.

Sagan gerist um borð í glæstu skemmtiferðaskipi á leið frá New York til London þar sem ástin, misskilningur, dulargervi og skemmtilegar uppákomur fléttast saman í hraðsiglandi og hótfyndinni sögu.

Með sígildum lögum á borð við Anything Goes, I Get a Kick Out of You, You’re the Top og Blow, Gabriel, Blow hefur verkið heillað áhorfendur í nær heila öld.

Nemendur söngleikjadeildarinnar takast hér á við glæsilegan og sígrænan Broadway-söngleik þar sem söngur, leikur og dans sameinast í kraftmikilli sviðsuppfærslu.

Verkið á sér stað í kreppunni miklu þegar allt er að fara norður og niður; svo fólkið fer á skemmtiferðaskip til að freista gæfunnar, flýja eða gleyma sér.

Komið í Borgarleikhúsið og njótið þessa líflega og skemmtilega söngleikjar með okkur!

Listrænt teymi

Leikstjóri: Orri Huginn Ágústsson
Tónlistarstjórn: Ingvar Alfreðsson
Aðstoð við tónlistarstjórn: Agnar Már Magnússon

Danshöfundar: Rebecca Hidalgo og Gabriel Marling Rideout

Ljósahönnun: Jóhann Bjarni Pálmason

Hljóðhönnun: Björgvin Sigvaldason

Leikmynd, leikgervi og búningar: Leikhópurinn

Stjórnandi deildarinnar: Þór Breiðfjörð

Kennarar:
Jóhanna Vigdís Arnardóttir
Sigríður Eyrún Friðriksdóttir

Þýðing: Orri Huginn Ágústsson og Þór Breiðfjörð

Söngleikjadeild Söngskóla Sigurðar Demetz er sú elsta sinnar tegundar á Íslandi og hefur í rúman áratug byggt upp öfluga menntun fyrir upprennandi söngleikara. Nemendur hafa haldið áfram í háskólanám í leiklist og söngleikjum bæði hér heima og erlendis.

Söngskólinn byggir á arfleifð Scala-söngvarans Sigga Demm (Vincenso Maria Demetz) sem hafði djúpstæð áhrif á íslenskt sönglíf. Í dag heldur skólinn áfram að rækta hæfileikaríka listamenn í söng, leik og sviðslistum.

Umsóknir í söngleikjadeild og einsöngsdeild fyrir næsta skólaár:
www.songskoli.is

Þessi nemendasýning af ANYTHING GOES er samkvæmt samkomulagi við Concord Theatricals Ltd. fyrir hönd Tams-Witmark LLC.
www.concordtheatricals.co.uk