ICHIKO AOBA

ALMENN MIÐASALA HEFST 3. OKTÓBER KL. 10

PÓSTLISTAFORSALA SENU LIVE FER FRAM 2. OKTÓBER KL. 10

SKRÁNING Í HANA HÉR 

Frá því Ichiko Aoba steig fyrst fram á sjónarsviðið með frumraun sinni Razorblade Maiden árið 2010 hefur þessi japanska söngkona, lagahöfundur og hljóðfæraleikari heillað áheyrendur um allan heim. Hún hefur gefið út átta hljómplötur, stofnað útgáfufyrirtækið hermine, og komið fram á fjölmörgum tónleikastöðum víða um heim.

Nú kemur hún með Across the Oceans túrinn til Íslands og heldur tónleika í Norðurljósum Hörpu 15. apríl. Óhætt er að lofa ógleymanlegu kvöldi.

Miðaverð er 13.990 kr og aðeins er selt í ónúmeruð sæti.

Umsjón: Sena Live

UM ICHIKO AOBA

Tónlist Aoba er einstök blanda: viðkvæm en óbugandi, einföld en samt víðfeðm, oft byggð á hljómum klassíska gítarsins eða einföldum hljómborðum, en ávallt svo djúpstæð að hún fangar hlustandann með látlausri fegurð sinni.

Á sjöundu plötu sinni, Windswept Adan (2020), skapaði hún heillandi hljóðheim með ríkulegum útsetningum fyrir hljómsveit – „hljóðspor fyrir ímyndaða kvikmynd“ – sem vakti mikla athygli og gerði hana alþjóðlega. Látlausir einleikstónleikar hennar, þar sem hún stendur ein með gítarinn sinn og röddina, eru engu að síður jafn áhrifamiklir og halda áhorfendum föngnum frá fyrstu nótu til þeirrar síðustu.

Árið 2025 kom hún fram með áttundu plötuna sína, Luminescent Creatures, þar sem hún þróaði áfram hugmyndir Windswept Adan en sneri einnig aftur til fábrotnari útfærslna sem minna á fyrstu verk hennar. Platan hlaut lof gagnrýnenda, náði til nýrra áheyrenda bæði í hefðbundnum miðlum og á stafrænum vettvangi, og markaði enn einn hápunkt á hennar ferli.

Platan varð upphafið að tveggja ára heimsreisu þar sem hún fyllti fræg tónleikahús á borð við Royal Albert Hall í London, Sydney Opera House og Walt Disney Concert Hall í Los Angeles – stundum með allt að ellefu hljóðfæraleikara sér við hlið.

Sköpunarkraftur Ichiko nær þó langt út fyrir plöturnar og tónleikasvið. Hún hefur unnið að útvarpi, frásögnum og kvikmyndatónlist, og hlaut meðal annars verðlaun fyrir besta hljóðspor á Mainichi kvikmyndaverðlaununum árið 2022 fyrir tónlist sína í Amiko. Árið 2023 var hún jafnframt heiðruð með ANCHOR Award á Reeperbahn-hátíðinni.

Í öllu sem hún gerir heldur Ichiko Aoba áfram að skapa rými fyrir kyrrð og ímyndunarafl – tónlist sem opnar dyr að heimum sem eru bæði raunverulegir og draumkenndir og býður hlustendum að dvelja í þeim um stund.