Ef þú kaupir þrjá eða fleiri viðburði á Óperudögum í Hörpu færðu 20% afslátt af miðaverði

Einnig er hægt að kaupa hátíðarpassa sem gildir á alla viðburði Óperudaga í Hörpu

Mannsröddin, eða La Voix Humaine (1959), er einþátta ópera eftir franska tónskáldið Francis Poulenc við texta eftir Jean Cocteau. Verkið byggir á einhliða símtali konunnar Elle við fyrrverandi elskhuga sinn. Öll sagan er sögð í gegnum þetta eina símtal sem breytist í sálrænan spegil, þar sem hlustandinn kynnist sambandi þeirra nánar – í gegnum húmor, örvæntingu, sjálfsblekkingu og sorg.

Óperan er skrifuð fyrir sópran og hljómsveit eða píanó og verður flutt af Kristínu Einarsdóttur Mäntylä sópran og Evu Þyri Hilmarsdóttur, píanóleikara. Leikstjórn er í höndum Sigríðar Ástu Olgeirsdóttur.

Flutningurinn fer fram á frönsku með íslenskri þýðingu Kristjáns Þórðar Hrafnssonar sem varpað verður upp á tjald.

Lengd: 45 mínútur