Þau sem koma fram á HEIMA-SKAGA hátíðinni í ár eru:

Látún

Dr. Gunni

Pétur Ben

Páll Óskar

Hlynur Ben

Gissur Páll

Ragga Gísla

Kött Grá Pjé

Árný Margrét

Stina Agustdóttir

Jónas Björgvinsson

Benni Hemm Hemm

Soul Deluxe ásamt gestum

Gudrid Hansdóttir (Færeyjar)

Páll Óskar & Benni Hemm hemm

MIÐAHAFAR FÁ AFHENT ARMBÖND og prentaða dagskrá í gamla Arnardal (Kirkjubraut 48) á hátíðardag frá 13.00 – 17.00

HEIMA-SKAGI er tónlistarhátíð sem haldin er í tengslum við menningarhátíð Skagamanna - Vökudaga sem standa frá 23. október til 2. nóvember í ár.

Á HEIMA-SKAGA hátíðinni sem fer fram laugardaginn 25. október koma fram 15 listamenn/hljómsveitir/atriði sem spila flest tvisvar sinnum flestir í 12 mismunandi húsum. Eitt kvöld, 29 tónleikar í það heila í 12 húsum.

HEIMA-SKAGI leggur áherslu á alls konar músík – Popp -rokk – rapp – jazz – soul – folk – heimstónlist - klassík - og í raun hvað sem er, ef það er áhugavert og skemmtilegt.

Það er spilað í HEIMA-húsum Skagafólks;

Vesturgata 45 (Kristján og Margrét),

Háteigur 6 (Angela og Benedikt),

Vesturgata 32 (Haraldarhús),

Háteigur 16 (Inga og Ketill)

Grundartún 8 (Elfa og Pálmi)

...en líka t.d í Bíóhöllinni, Í brugghúsi Bárunnar (Roð – Bárugata 21) í Akraneskirkju, og í einu af húsum fyrirtækisins KAPP (Skaginn) sem er einn af styrktaraðilum hátíðarinnar, á rakarastofu Hinna (sem er líkast til í minnsta húsi Akraness) – JÁ OG Í GAMLA ArnArdAl! (Kirkjubraut 48)  Þar verða armböndin líka afhent á hátíðardag frá kl. 13.00-17.00 og þar verður ýmislegt skemmtilegt í gangi – matur og myndlist, POP-UP vinyl-markaður ofl.

HEIMA-SKAGI er einstök hátíð þar sem nándin við listafólkið er mjög mikil. Fyrsta HEIMA-SKAGA hátíðin var haldin 2019 með sex atriðum og það hefur alltaf selst upp.

Páll Óskar og Benni Hemm Hemm munu opna hátíðina á lágstemmdum nótum í kirkjunni klukkan 18.30 þar sem hátíðin verður formlega sett með stuttri athöfn.

Síðan byrja tónleikar hér og Þar klukkan 19.00 og standa til c.a. 22.30.

Lokatónleikar HEIMA-SKAGA í ár verða í Bíóhöllinni frá 22.45-?? þar sem Páll Óskar verður gordjöss í partígallanum auk þess sem Skaga-stór-hljómsveitin Soul Deluxe snýr aftur eftir Laaangt hlé.

Það er stutt á Akranes úr Reykjavík til dæmis.

HEIMA SKAGI 2025