„Abuela“ kemur í heimsókn

Hjartnæm og skemmtileg fjölþjóðleg brúðusýning fyrir áhorfendur á ólíkum aldri

Rót er ný, litrík og skemmtileg brúðusýning fyrir áhorfendur á öllum aldri, með fjörugri lifandi tónlist, þar sem lögð er áhersla á miðlun sögunnar í gegnum sjónræna þætti. Hér er varpað fram spurningum varðandi mótun sjálfsmyndar okkar, áhrif uppruna á líf okkar og þörfina fyrir að tilheyra. Sýningin fjallar um ungan dreng sem tilheyrir ólíkum menningarheimum, en hann á íslenskan föður og suður-ameríska móður. Sumar eitt kemur amma drengsins, abuela, í heimsókn til Íslands, og flytur með sér framandi andblæ, söngva, sögur og hefðir frá heimalandi sínu, og drengurinn kynnist sjálfum sér á nýjan hátt.

Sýningin er sköpunarverk listafólks frá ýmsum heimshornum, Paragvæ, Slóvakíu, Bandaríkjunum, Tékklandi, Dóminíska lýðveldinu, Japan, Bretlandi og Íslandi. Þessi fjöruga, hlýlega og nýstárlega sýning á erindi við áhorfendur á ólíkum aldri og af ólíkum uppruna.

BRÚÐULIST – FJÖLMENNING - MENNINGARHEIMAR

Leikhópurinn Handbendi er margverðlaunaður brúðuleikhúshópur sem hefur heimilisfesti á Hvammstanga en ferðast víða um heim með sýningar sínar. Handbendi hlaut Eyrarrósina, viðurkenningu fyrir framúrskarandi menningarverkefni á landsbyggðinni, árið 2021.

Frumsýning hjá Leikfélagi Akureyrar í apríl og sýningar í Þjóðleikhúsinu í maí, í samvinnu við Listahátíð í Reykjavík.

Flytjendur: Juraj Hubina´k, Sigurður Arent Jo´nsson, Tessa Rivarola, Rebecca Hidalgo, Viktoría Sigurðardóttir.

eftir Handbendi Brúðuleikhús

-

Leikstjórn og brúðuhreyfingar: Greta Clough

Tónlist: Paul Mosely

Sviðshreyfingar: Chantelle Carey

Leikmynd, leikmunir og búningar: Sigri´ður Sunna Reynisdo´ttir og Auður Ösp Guðmundsdóttir

Brúðuhönnun og smíði: Aya Nakamura og Katanari

Lýsing: Friðþjo´fur Þorsteinsson

Brúðleikari og dramatúrg: Juraj Hubina´k

Framleiðandi: Martin L. So¨rensen

-

Handbendi í samstarfi við Þjóðleikhúsið, Leikfélag Akureyrar og Listahátíð í Reykjavík.

Sýnt í Kassanum