Sinfóníuhljómsveit Íslands

Hljómsveitarstjóri: Eva Ollikainen

Einleikari: Nikola Meeuwsen

Efnisskrá

Páll Ragnar Pálsson Sinfónía. Landlit – frumflutningur

Franz Liszt Píanókonsert nr. 2

Béla Bartók Mandaríninn makalausi

Hollenski píanóleikarinn Nikola Meeuwsen flytur píanókonsert nr. 2 eftir Franz Liszt með Sinfóníuhljómsveit Íslands. Nikola hlaut hæfileikaverðlaun Concertgebouw árið 2019 og hin virtu Grachtenfestival verðlaun árið 2022, sem veitt eru árlega ungu hæfileikaríku tónlistarfólki. Ferill Nikola Meeuwsen fór síðan á flug á síðasta ári er hann bar sigur úr býtum í hinni virtu píanókeppni sem kennd er við Elísabetu drottningu af Belgíu. Píanókonsert nr. 2 eftir Franz Liszt skipar nokkuð sérstakan sess í höfundarverki tónskáldsins, hann er í einum löngum þætti sem skiptist í sex smærri hluta og ber píanósnillingnum Franz Liszt glæsilegt vitni.

Það telst til stórtíðinda þegar ný íslensk sinfónía er frumflutt. Landlit er fyrsta sinfónía Páls Ragnars Pálssonar, en Sinfóníuhljómsveit Íslands hefur áður flutt nokkur verka hans, síðast var það fagott-konsertinn PLAY. Landlit sækir innblástur í samnefnt mynd listar verk Valgerðar Briem, föðurömmu Páls, en það er stór mynd röð sem endur speglar áferð gróður- og bergmyndana landsins á óræðan hátt.

Ballettinn um Mandarínann makalausa var frumfluttur í Þýskalandi árið 1926 og olli miklu hneyksli vegna ósiðsamlegs inntaks og var bannaður í kjölfarið. Viðtökurnar voru jákvæðari í Prag ári síðar en sagan um ræningjana þrjá, sem nýta sér unga stúlku til að tæla til sín fórnarlömb, var stöðugt til vandræða og tilefni ritskoðunar. Það var ekki fyrr en Bartók skrifaði konsertsvítuna sem hér heyrist að tónlistin fór að hljóma víðar og þessi fjölbreytta, kraftmikla tónlist varð eftirlæti tónleikagestum víða veröld.

*Píanóleikarinn Denis Kozhukhin sem upphaflega átti að koma fram sem einleikari í sinfóníu nr. 4 eftir Karol Szymanowski þurfti því miður að afboða komu sína. Í hans stað stígur hollenski píanóleikarinn Nikola Meeuwsen á svið og flytur Píanókonsert nr. 2 eftir Franz Liszt. Tónleikarnir bera nú heitið Liszt og Landlit.