Hinn rómaði sönghópur Cantoque Ensemble heldur tónleika á Óperudögum 2024 þar sem á efnisskránni verða margar af fegurstu perlum íslenskrar tónlistar fyrir kór án undirleiks. Meðal tónskálda sem sönghópurinn flytur eftir eru Jón Nordal, Bára Grímsdóttir, Þorkell Sigurbjörnsson, Hildigunnur Rúnarsdóttir, Hjálmar H. Ragnarsson og fleiri. Tónleikarnir verða í Fríkirkjunni við Tjörnina þann 24. október kl. 21.

Kórinn skipa Hallveig Rúnarsdóttir sópran, Þórunn Vala Valdimarsdóttir sópran, Hildigunnur Einarsdóttir alt, Lilja Dögg Gunnarsdóttir alt, Helgi Steinar Helgason tenór, Þorkell Sigfússon tenór, Hafsteinn Þórólfsson bassi og Pétur Oddbergur Heimisson bassi.