DesignTalks 2025 

Alþjóðlega ráðstefnan DesignTalks fer fram þann 2. apríl 2025 í Silfurbergi í Hörpu undir þemanu Uppspretta. 

„Algengast er að hugsa sér að uppspretta marki augnablik í tíma þar sem eitthvað byrjar eða verður til. Uppspretta hugmynda, innblásturs eða lífs jafnvel! En uppsprettan er líka myndlíking fyrir að endurskoða hugmyndir, taka skref til baka, tengjast upprunanum aftur, hreinsa hugann eða endurnýja sig. Ég lít á uppsprettuna sem ákveðið mótvægi við óstöðugleikann sem ríkir í dag.” 

- Hlín Helga, listrænn stjórnandi DesignTalks 

DesignTalks hefur verið lykilviðburður HönnunarMars frá upphafi og er sá stærsti á sínu sviði hér á landi. Að venju mun stórkostlegur hópur hönnuða, arkitekta og skapandi hugsuða koma fram og án efa þenja ímyndunaraflið. 

Forsala er hafin með takmarkað magn af miðum á sérstökum kjörum: 

Fyrir félagsmenn: 16.900 kr.
Fullt verð: 18.900 kr

Fyrir almenning: 18.900 kr.
Fullt verð: 20.900 kr.

Hlín Helga Guðlaugsdóttir er listrænn stjórnandi og Þura Stína Kristleifsdóttir framleiðir fyrir Miðstöð hönnunar og arkitektúrs.