Sóley Kristjánsdóttir er nýjasta uppistandsstjarnan á senunni!

Í þessu miðaldra uppistandi einblínir Sóley á brasið sem getur fylgt því að finna taktinn í þessu lífi, hún kemur pottþétt líka inn á eitthvað uppbyggilegt og svo verður jafnvel einhver misskilningur um þetta allt saman.

Lítið er um endurtekið efni á milli sýninga þó ramminn sé sá sami, enda ekki hægt að gera ráð fyrir að kona á miðjum aldri geti munað allt á milli sýninga!

Hún er líka með hlaðvarpið "Að finna taktinn: Breytingaskeiðið", ef þú átt eftir að hlusta á það þá mælum við með að þú skellir það í spilarann og hlustir á skemmtileg spjöll við konur sem vita um breytó og öllum sem því fylgir.

„Ferskasta og fyndnasta uppistand sem ég hef séð í lengri tíma. Sóley er fáránlega fyndin og sjarmerandi og smitar áhorfendur af einstakri lífsgleði og peppi.“ – Dóra Jóhannsdóttir, stofnandi Improv Ísland og leikstjóri Áramótaskaupsins 2022

“Frábært uppistand, svo mikilvægt að sjá fyndnu hliðarnar á þessu blessaða skeiði. Frábært hláturskvöld með vinkonuhópnum!” – Halldóra Skúla, Kvennarad.is

“Fáránlega fyndið! Geggjað flæði, ferskt efni og ómótstæðileg einlægni. Þetta var eins og að vera í hláturskasti með góðri vinkonu í klukkutíma.” - Miðaldra kona alveg að detta í breytó

“Ég hló svo mikið að eg var með harðsperrur í maganum daginn eftir. Geggjuð sýning sem enginn ætti að láta framhjá sér fara.” – Kona á breytó