Hrygg

Hryggr er ljóðrænt verk sem höfðar til allra skynfæra; þar sem líkami mætir hafi og mörk manneskjunnar, náttúrunnar og fantasíunnar leysast smám saman upp.

Með hreyfingu tekur líkaminn hægt og rólega á sig nýtt form; þannig opnast rými fyrir annars konar myndir, hrynjandi og orku. Líkami, hljóð og rými renna saman í einn heim þar sem flakkað er á milli þess áþreifanleika og þess draumkennda, á milli raunveruleika og ímyndunar. Áhorfendum býðst að hugleiða sín eigin tengsl við hafið, við náttúruna og hið óþekkta.

Titillinn Hryggr hefur tvöfalda merkingu; sem nafnorð og sem sagnorð. Orðið getur skírskotað til Mið-Atlantshafshryggjarins, sem úr geimnum líkist gríðarstórri hryggjarsúlu sem þræðir sig gegnum hafið, en einnig til sorgarinnar sem vaknar við náttúrueyðingu okkar tíma.

Verkið er samið af danshöfundinum Báru Sigfúsdóttur í samstarfi við tónskáldið Eivind Lønning og listakonuna Andreu Kränzlin sem býr og starfar í Antwerp.

Kóreografía, fytjandi & listræn stjórnun: Bára Sigfúsdóttir

Tónskáld & lifandi flutningur tónlistar: Eivind Lønning

Sviðsmynd & búningar: Andrea Kränzlin

Ljósahönnun: Shiva Sherveh

Utanaðkomandi auga: Sara Vanderieck, Birgit Berndt, Guðbjörg R. Jóhannesdóttir, Margrét Bjarnadóttir & Orfee Schuijt.

Styrkt af: Henie Onstad Kunstsenter, CODA Oslo International Dance Festival, Bærum Kulturhus, Kulturdirektoratet Scenekunst – danseproduksjoner, Kulturdirektoratet, Norsk-Islandsk Kultursamarbeid, FFUK, Reykjavik Dance Atelier, Praxis Oslo.

Þakkir til: Espen Reinertsen and Tony Tran

Sýningin er partur af dagskrá Reykjavík Dance Festival. Dagskrá hátíðarinnar má nálgast á

https://www.reykjavikdancefestival.com/