Jónas Björgvinsson - Lífsins bók  

Platan hefur verið tæp þrjú ár í smíðum og kemur út á vínyl og öllum helstu tónlistarveitum á tónleikadeginum. Upptökustjóri er Sigurður Guðmundsson og við gerð plötunnar vann Jónas meðal annars með Magnúsi Þór Sigmundssyni, sem samdi texta við þrjú laga hennar. Magnús Þór verður sérstakur gestur kvöldsins.

Á tónleikunum verður Lífsins bók flutt í heild sinni í fyrsta sinn. Þá er ekki útilokað að Jónas fletti einnig aftur í tímann og taki valin lög af fyrri plötum sínum.

Með Jónasi á sviðinu verður einvalalið tónlistarmanna:

Sigurður Guðmundsson
Helgi Svavar Helgason
Tómas Jónsson
Valbjörn Snær Lilliendahl

Þetta verður einstakt útgáfukvöld þar sem nýr kafli í tónlist Jónasar Björgvinssonar er opnaður í stóra salnum í Tónabíói.

Bruggstofa RVK í Tónabíói er opin frá kl 13:00 á miðvikudögum en Andrea Jónsdóttir mun hefja leikinn, hita upp og snúa skífum þar frá kl. 19:00

Tónleikar hefjast síðan stundvíslega kl. 20:00.