IV  – Hádegistónleikar í Hallgrímskirkju: Eyþór Ingi Jónsson, organisti  

Á efnisskrá eru fjögur verk eftir framúrskarandi íslensk tónskáld, öll af plötunni XV, auk fjögurra kafla úr hinu stórbrotna orgelverki Vater unser im Himmelreich eftir þýska snemmbarokktónskáldið Steigleder, sem samdi verkið árið 1626.

Flutt verða verk eftir Þorvald Örn Davíðsson, Báru Grímsdóttur, Sigurð Sævarsson og Atla Ingólfsson. Fjallið Herðubreið, krossinn, íslensk sönghefð og tengsl við eldri tónlist eru meðal þeirra hugmynda sem birtast í verkunum.

Talan fjögur er rauður þráður í efnisskránni, allt frá fjórum íslenskum verkum og fjórum köflum Steigleders til fjögurra hluta í nokkrum verkanna.

HALLGRÍMSKIRKJA – ÞINN TÓNLEIKASTAÐUR