Herdís Anna Jónasdóttir sópransöngkona, Darina Ablogina flautuleikari og Peter Croton gítarleikari flytja verk frá snemmrómantíska tímanum, sum frumsamin en önnur í umritun fyrir flautu og gítar. Sú hljóðfærasamsetning var vinsæl á sínum tíma því að hún hentaði vel til flutnings í heimahúsum og salonum heldri manna.

Flytjendur hafa lagst í rannsóknir á þessari tegund tónlistar og leitt fram í dagsljósið framlag þriggja kventónskálda til tónlistarsögunnar, þeirra Mariu Szymanowsku (1789-1831), Emiliu Giuliani-Guglielmi (1813-1850) og Catharinu Josephu Pratten (1824-1895).

Einnig hljóma verk eftir Ferdinando Carulli (1770–1841), Johann Kaspar Mertz (1806–1856), Mauro Giuliani (1781–1829) og Felix Mendelssohn (1809–1847).

Á tónleikunum leikur Peter Croton á sögulegt hljóðfæri, rómantískan gítar sem gítarsmiðurinn René Lacôte útbjó í París árið 1822.

Tónleikarnir eru um klukkustund, án hlés.

Nánari upplýsingar um Reykjavík Early Music Festival: https://reykjavikearly.is/