Vegna fjölda áskoranna snýr Barokk á klúbbnum aftur! Fleiri ljós, þyngri bassi, meiri Vivaldi og enn meira barokk á AUTO á State of the Art 2025!

Hvar sómar sígíld tónlist sér best? Á hljóðfæratónlist barokktímabils 17. og 18. aldar eitthvað erindi inn á næturklúbb?

Á State of the Art verður þetta kannað með tónleikunum BAROKK Á KLÚBBNUM þann 12. október kl 21. Nokkur þekktustu verk tímabilsins verða flutt af strengjakvartett og semballeikara í ljósa- og reykvéladýrð næturklúbbsins AUTO á Lækjargötu. En á sviði með strengja og semballeikurunum verður einnig athafnarstjóri trommuheila og rafhljóða sem mun leiða Vivaldi og Bach inn á slóðir 21. aldar og skapa tónavafning sem þú getur hvergi annarsstaðar heyrt en á State of the Art.