Coca Cola & Víking Gylltur bjóða upp á partí ársins 2025

Eftir þrjátíu ára stöðuga framrás er litríkur skrápur kameljónsins harður, en hjartað opið og meyrt. Stöðnun þýðir drukknun og dauði fyrir hákarlinn; rafháfinn sem laðar bráð sína með ómótstæðilegum rafbylgjum.

Í 30 ár hafa nálar jarðskjálftamælanna dansað sleitulaust til heiðurs kvikuflæðinu GusGus, og öfugt við Orfeus lítur fyrirbrigðið aldrei um öxl. Óvissuferðin leyndardómsfulla heldur stjórnlaus áfram, hömlulaus og frek á frelsi.

Ísköld, sjóðheit.

Eftir 12 breiðskífur og 12 meðlimi hefur gimsteinninn kristallast niður í frumefnin Daníel Ágúst, Bigga Veiru og Margréti Rán, sem saman svífa hærra og hærra um snæviþakta tinda raftónlistarinnar, kljúfandi öreindir alheimsins.

Í tilefni 30 ára taumlauss oddaflugs strengir GusGus, ásamt gestum, upp sín dýrustu djásn á himnafestinguna og býður dansþyrstum aðdáendum upp á sýningu ársins 2025.

Meðlimir í GusGus samfélaginu fá fyrstir fréttir af þróun mála. Sjóðheitir og ískaldir velkomnir.

Skráðu þig hér

 https://bit.ly/30-years-of-gusgus 

VIP Miði

• Aðgangur að VIP herbergi með svölum sem snúa að sviðinu.

• Opinn bar, allir drykkir innifaldir.

• Hlaðborð innifalið.

• „Meet & greet“ eftir tónleika

• GusGus bolur að eigin vali úr nýju merch línunni

• Aðgangur að eftirpartýii

• Sérinngangur í Laugardalshöll

Hver miði gildir fyrir einn.