Balfour Reparations (2026-2046) er áhrifamikið sviðsverk í formi fyrirlestrar þar sem rýnt er í arfleifð nýlendustefnu Breta í Palestínu. Í brennipunkti er Arthur James Balfour, forsætisráðherra (1902-1905) og utanríkisráðherra (1916-1919), og hvernig hann stuðlaði að því að neita Palestínufólki um pólitísk réttindi. Saleh sækir sér innblástur í heimildir og styðst við gagnrýna sagnalist (e. critical fabulation) og afrófúturisma þegar hún fléttar saman sagnfræði, skáldskap og fantasíu.

Árið 2046 komum við saman sem meðlimir sanngirnisbótanefndar til að velta fyrir okkur uppskálduðu afsökunarbréfi frá breskum stjórnvöldum árið 2026 þar sem þau lofa Palestínufólki sanngirnisbótum. Hvernig má gangast við slíkri ábyrgð? Hvað getur réttlæti haft í för með sér?

Farah Saleh er palestínskur dansari, danshöfundur og fræðikona búsett í Skotlandi. Hún nam tungumála- og menningarmiðlun á Ítalíu meðfram framhaldsnámi í samtímadansi. Síðan 2010 hefur hún tekið þátt í verkefnum víða um heim með Sareyyet Ramallah Dance Company (Palestínu), Royal Flemish Theatre og Les Ballets C de la B (Belgíu), Mancopy Dance Company (Danmörku/Líbanon), Siljehom/Christophersen (Noregi) og Candoco Dance Company (Bretlandi). Hún var staðarlistamaður hjá Dance Base í Edinborg árin 2017-2021 og árið 2023 lauk hún doktorsnámi frá Edinburgh College of Art. Árið 2024 hóf hún störf sem prófessor í Global Majority Performance við sviðslistadeild Glasgow University.

Hugmynd & kóreografía: Farah Saleh, in collaboration with

Mynd- og hljóðhönnun: Lucas Chih-Peng

Rannsóknarvinna: Nicola Perugini

Dansarar: Nadia Khattab and Jamal Bajali

Aðstoð á æfingum: Luke Pell

Grafísk hönnun: Michaela Pointon

Tónlist: Kim Moore, Wasef Jawhariya

Listrænn framleiðandir: Helen McIntosh

Ráðgjöf: nxa Parinussa & Luke Pell

Ljósahönnun: Emma Jones

Kynningarmál: Joy Parkinson

Markaðsmál: Serden Salih

Framleiðandi: Fi Fraser

Með stuðningi frá: IASH, Culture&, Made in Scotland, Scottish Government, Creative Scotland, Made in Scotland onward touring fund.

Sýningin er ekki hönnuð með döff eða blinda gesti í huga.

Valkvæð þátttaka áhorfenda.

Sýningin er partur af dagskrá Reykjavík Dance Festival. Dagskrá hátíðarinnar má nálgast á

https://www.reykjavikdancefestival.com/