ORGELSUMAR Í HALLGRÍMSKIRKJU 2026 – Gereon Krahforst, orgel (Maria Laach, Þýskalandi)  

Gereon Krahforst fæddist í Bonn árið 1973 og ólst upp á listrænu heimili. Hann stundaði nám í tónsmíðum, tónfræði, kirkjutónlist, píanó- og orgelleik í Köln og Frankfurt og nam meðal annars hjá Clemens Ganz og Daniel Roth. Hann hefur einnig sótt meistaranámskeið hjá mörgum af fremstu organistum Evrópu, þar á meðal Marie-Claire Alain, Jon Laukvik, Petr Eben og Guy Bovet.

Krahforst hefur gegnt fjölda virðingarstarfa sem organisti og tónlistarstjóri, meðal annars í Bonn, Mönchengladbach, Minden og Paderborn, auk þess sem hann kenndi orgelleik og spuna við Tónlistarháskólann í Hannover. Hann starfaði einnig sem organisti við Kirkju hins flekklausa getnaðar í Marbella á Spáni, og síðar sem organisti og aðstoðartónlistarstjóri við Cathedral Basilica of Saint Louis í Bandaríkjunum.

Frá árinu 2015 hefur hann verið organisti og listrænn stjórnandi alþjóðlegrar orgeltónleikaraðar við hið sögufræga Maria Laach- klaustur í Þýskalandi. Hann hefur einnig stjórnað fjölmörgum orgelhátíðum og tónleikaröðum í Þýskalandi og komið fram víða um Evrópu, Asíu og Norður-Ameríku.

Krahforst hefur samið verk fyrir orgel, píanó, söngrödd, kór, strengjakvartett og hljómsveit. Hann hefur hlotið fjölda alþjóðlegra viðurkenninga fyrir tónsmíðar sínar, píanóleik og orgelleik, ekki síst fyrir einstaka hæfni sína í spuna.

HALLGRÍMSKIRKJA – ÞINN TÓNLEIKASTAÐUR