Sönghópurinn Rok heldur tónleika í Hömrum. Lagavalið er fjölbreytt og skemmtilegt. Allt frá íslenskum lögum, nýjum og gömlum, til erlendra rokkslagara. 

Sönghópurinn Rok hefur heldur betur stimplað sig inn í menningarsamfélag Akureyringa með þátttöku í hinum ýmsu verkefnum en það nýjasta var Rokkland 30 ára sem sjónvarpað var frá fyrr á þessu ári. Hópurinn hefur einnig haldið eigin tónleika, allt frá jólatónleikum yfir í stóra og metnaðarfulla rokktónleika. 

Stjórnandi kórsins er Jónína Björt Gunnarsdóttir. 

Hljómsveit skipa:
Stefán Gunnarsson - bassi
Valgarður Óli Ómarsson- trommur
Haraldur Ómarsson - gítar
Eyþór Alexander Hallsson - píanó 

Fögnum sumrinu saman með söng og gleði.