Himinn og jörð

Vortónleikar kvennakórsins Léttsveitar Reykjavíkur bera yfirskriftina "Himinn og jörð" og eru tileinkaðir lagasmíðum höfundarins ástsæla Gunnars Þórðarsonar. Má þar finna margar og fjölbreyttar perlur úr lagasafni Gunnars. Kórstjóri er Gísli Magna og hljómsveitina skipa þau Aðalheiður Þorsteinsdóttir á píanó, Diddi Guðna á trommur, Pétur Valgarð Pétursson á gítar og Þorgrímur Jónsson á bassa. Um tvenna tónleika verður að ræða, dagana 5. maí og 7. maí og verða þeir haldnir í Langholtskirkju og hefjast báðir tónleikar kl. 19.30.