Lágstemmd og hátíðleg strengjatónlist í jóla- og vetraranda, í samræmi við hátíðlega umgjörð Hallgrímskirkju og þá kyrrð sem einkennir þennan árstíma. Strengjadúettinn skipa Guðbjartur Hákonarson fiðluleikari og Hrafnhildur Marta Guðmundsdóttir sellóleikari.

Tónleikarnir eru að fullu til styrktar Skákfélagi Laufásborgar, Hrókur alls fagnaðar, til að styðja þáttöku barnanna á Evrópumóti í skólaskák vorið 2026. Aðgangur er ókeypis en gestum er boðið að leggja sitt af mörkum í ferðasjóð barnanana með frjálsum framlögum, m.a. í gegn um Tix.