Herbert Guðmundsson - Flakkað um ferilinn

Herbert Guðmundsson á sér feril sem er bæði litríkur og líflegur, og það er nákvæmlega það sem „Flakkað um ferilinn“ fangar. Hann hefur árum saman verið einn kraftmesti sviðsmaður landsins; fyllt sali með rödd sem nær beint í magann og persónutöfrum sem enginn annar hefur, þetta er einfaldlega innbyggt í Herbert.

Ferillinn spannar bæði stórsmelli og dýpri perlur, og á þessum tónleikum ferðast áhorfendur í gegnum áratugi af lögum sem hafa lifað með þjóðinni. Það er mikil gleði, húmor og hrá orka í öllum uppákomum hans, og þessi kvöldstund verður engin undantekning.

„Flakkað um ferilinn“ er fyrir alla sem vilja upplifa söngvara sem gefur alltaf 110% og heldur enn þá uppi stemmningu sem fáir ná að toppa. Þetta verður alvöru kvöld með Herberti, alveg í hans anda.

Þeir sem verða með okkur á Flakkað Um ferilinn eru:

Herbert Guðmundsson söngur og munnharpa

Þórir Úlfarsson hljómborð og tónlistarstjóri

Pétur Valgarð Pétursson gítar

Helgi Reynir Jónsson gítar og raddir

Friðrik Sturlusson bassi

Ingólfur Sigurðsson trommur

Phil Doyle sax

Bakraddir: Rakel Pálsdóttir og Kristján Gíslasson

Guðmundur Herbertsson söngur og bakraddir / prompter

Verkefnastjórn Haukur Henriksen