Söngsveitin Fílharmónía heldur sína árlegu aðventutónleika í Langholtskirkju laugardaginn 6. desember kl. 17. Flutt verða fjölbreytt aðventu- og jólalög frá ýmsum tímum. Meðal annars verður frumflutt nýtt jólalag, Alltaf þegar eru jól, eftir Tryggva M. Baldvinsson sem hann samdi sérstaklega fyrir kórinn.

Einsöngvari á tónleikunum verður Jóhann Kristinsson barítón og Elísabet Waage leikur á hörpu. Stjórnandi er Magnús Ragnarsson.

Almennt miðaverð er 3.900 kr. en 2.900 fyrir eldri borgara og öryrkja. Frítt fyrir börn 14 ára og yngri.