Jólabjöllurnar snúa aftur með tónleikana Beint í andlitið!

Sönghópurinn sem hefur glatt landsmenn í meira en áratug býður til stórskemmtilegra jólatónleika 27. nóvember kl. 20:00 í Sykursalnum.

Jólabjöllurnar eru þekktar fyrir að blása lífi í klassísk jólalög með frumlegum, djörfum og skemmtilegum textum sem kitla hláturtaugarnar. Að þessu sinni flytja þær eingöngu lög úr hinu víðfræga dónaprógrammi þar sem allt er leyfilegt og húmorinn í fyrirrúmi.

Á staðnum verður að venju æsispennandi happdrætti með glæsilegum vinningum, auk þess sem hægt verður að kaupa ýmsan heimagerðan varning – tilvalið í frumlegar jólagjafir.

Allir textar eru á íslensku - Öll velkomin - Við bendum þó á að þessir tónleikar henta ekki börnum.

Við hlökkum til að sjá ykkur í Sykursalnum og eiga eftirminnilegt kvöld saman!