Í blöðruverksmiðjunni Blöðrur ehf. starfar metnaðarfullt og duglegt fólk. Þar eru framleiddar hágæða blöðrur á hverjum einasta degi. Til að tryggja örugg gæði og ánægju viðskiptavina er mikilvægt að allt starfsfólk fari eftir settum reglum og taki vinnunni alvarlega. Það er bannað að mæta seint, bannað að taka of langar pásur og bannað að blaðra. Það er þó ein regla sem er mikilvægust af þeim öllum:

ÞAÐ ER BANNAÐ AÐ LEIKA SÉR MEÐ BLÖÐRURNAR!

(og ekki gleyma að fara eftirlitshringinn)

Innblástur er glæný barnasýning sem fjallar um leikgleðina, sköpunarkraftinn og að kannski séu sumar reglur til að brjóta þær. Sýningin er ferðalag sem kannar möguleika ímyndurnaraflsins og hversu mikið er hægt að skapa úr litlu sem engu. Í sýningunni er lítið tal svo tungumálakunnátta setur engin mörk. Innblástur er leiksýning fyrir börn á öllum aldri sem vill leika sér.

Aðstandendur:

Leikarar, höfundar og sviðshreyfingar: Jökull Smári Jakobsson og Nikulás Hansen Daðason

Leikstjóri: Jónsi Hannesson

Dramatúrg og aðstoð við sviðshreyfingar/dans: Lea Alexandra Gunnarsdóttir

Búningar og leikmynd: Bryndís Ósk Ingvarsdóttir

Tónlist: Sveinbjörn Thorarensen og Hrafnkell Örn Guðjónsson

Lýsingarhönnuður: Ásta Jónína Arnardóttir

Sviðsmaður: Alex Gló Svarthöfði

Ekkert tal er í sýningunni - og hentar hún þar af leiðandi öllum þvert á tungumálakunnáttu

Sýningin hentar fyrir börn 5 ára og eldri

Verkefni unnið með sérstökum styrk frá Reykjavíkurborg