Ég, Jóhanna (I, Joan) eftir Charlie Josephine

Þýðing: Valgeir Skagfjörð

Leikstjórn: Aron Martin Ásgerðarson

Dramatúrg: Eva Halldóra Guðmundsdóttir

Leikmynd og búningar: Sara Hjördís Blöndal

Sviðshreyfingar: Rebecca Hidalgo

Sviðsbardagahreyfingar: Lauren Dwyer

Framleiðsla: Stefán Ingvar Vigfússon

Leikarar: Elísabet Skagfjörð ofl.

,,Þeir halda í alvörunni að ég þekki ekki stríð? Því eins og, eins og er það ekki satt að vera fætt í kvenlíkama, þýðir það ekki í þessum karlmannaheimi stríð upp á hvern dag? Og síðan, að vera fætt sem stúlka en vera það ekki? Það er borgarastyrjöld. Blóðug og grimm.’’

Í hringiðu óendanlegs stríðs stígur ung fátæk hetja fram í guðdómlegri uppreisn gegn kynjatvíhyggjunni, ríkjandi valdastrúktúr og íhaldinu. Dansiði og fagniði með okkur með opin hjörtu og háværar raddir er við enduruppgötvum sögu Jóhönnu af Örk. Hún er rafmögnuð, hinsegin og full af von.

Ég, Jóhanna (I, Joan) var sýnt í Shakespeare’s Globe í Bretlandi árið 2022 við miklar vinsældir. Charlie Josephine er verðlauna leikskáld en hán hlaut fern verðlaun fyrir verk sitt Bitch Boxer á árunum 2012-2014.