Sprenghlægilegt nýtt uppistand með Sóley Kristjáns og Auðbjörgu Ólafs þar sem þær velta fyrir sér öllu því sem konur þurfa bara …

Sóley og Auðbjörg eru miðaldra, þær eru á breytó og þær eru ferskari og fyndnari en nokkru sinni fyrr, enda konur með reynslu.

Sóley og Auðbjörg slógu í gegn í fyrra með afmælisuppistandssýningum sínum sem þær héldu báðar í fyrsta skiptið í sitthvoru lagi í. Sóley með “Að finna taktinn: Miðaldra uppistand” og Auðbjörg með “Ég elska þig alheimur”.

Þegar að þessar fyndnu, einlægu og ástríðufullu miðaldra fjölskyldu- og framakonur fréttu hvor af annarri ákváðu þær að sameina krafta sína og úr varð sýningin „Af hverju fórum við ekki bara á gönguskíði?“, sem hefur verið sýnd víða um landið við frábærar undirtektir.

Nú mæta þær aftur – með enn meiri reynslu í farteskinu og fjalla á sinn einstaka og einlæga hátt um allt það stórkostlega, hversdagslega og fyndna sem drífur á daga miðaldra fjölskyldu-og framakvenna sem þurfa bara að láta allt ganga upp.

Komdu og hlæðu með okkur í Tjarnarbíó, við lofum góðu kvöldi með æðislegum hlátri. Allt sem þú þarft að gera er að mæta.

Umsagnir um fyrri sýningu:

“Sóley og Auðbjörg voru það fyndnar að ég pissaði í mig úr hlátri!”

“Ótrúlega fyndin sýning! Efnistökin og brandararnir eru þannig á það er auðvelt að tengja við það úr okkar daglega lífi”.

“Frábær sýning, gjörsamlega grét úr hlátri!”

“Sóley og Auðbjörg eru gjörólíkar, en báðar óendanlega fyndnar, sjarmerandi og gera stólpagrín að sjálfum sér, samfélaginu og sameiginlegum reynsluheimi kvenna.”