Góðan daginn, faggi: sjálfsævisögulegur heimildasöngleikur snýr aftur!

Góðan daginn, faggi er sjálfsævisögulegur heimildasöngleikur þar sem fertugur hommi leitar skýringa á skyndilegu taugaáfalli sem hann fékk upp úr þurru einn blíðviðrisdag.

Sýningin er morðfyndin og berskjaldandi leiðangur um skömm og mennsku sem þegar hefur verið sýnd yfir 140 sinnum í þremur löndum við frábærar undirtektir.

Góðan daginn, faggi var frumsýnt í Þjóðleikhúsinu árið 2021 og sló þar í gegn. Sýningin fór síðan út fyrir landsteinana og sýndi á listahátíðinni Fringe í Edinborg. Nú snýr hún til baka og verður sýnd í Háskólabíói hjá Afturámóti í samstarfi við Stertabendu.

Leikari og höfundur:

Bjarni Snæbjörnsson

Leikstjóri og höfundur:

Gréta Kristín Ómarsdóttir

Tónskáld og flytjandi:

Axel Ingi Árnason

Salur: 2