Jói P X Króli - Eiðar

Nú gefst Austfirðingum tækifæri á að leggja hlustir við og upplifa frábæra tónlist JóaPé og Króla og það af öllu í hátíðarsalnum á Eiðum. Þeir bakkabræður hafa starfað saman síðan 2016, og samband þeirra hefur alið af sér fjölda hljómplatna og annarra tónverka. Plöturnar Afsakið hlé og Gerviglingur hafa hlotið verðlaun og viðurkenningar og fest sig í sessi í hjörtum Íslendinga til framtíðar. Með plötum eins og Í miðjum kjarnorkuvetri sönnuðu þeir svo að þeir og föruneyti þeirra hafa margt annað og fjölbreyttara að bjóða. Sambandið heldur áfram að þróast – sem má helst sjá með plötunni Scandipain vol. 1, sem þeir unnu í samstarfi við danska tónlistarmanninn Ussel, og pródúserinn Ben Legit.

Það er 18 ára aldurstakmark á þennan viðburð - yngri mega vera í fylgd með forráðamanni